Cidade de MondoñedoO equipo de Goberno de Mondoñedo porá en marcha un censo coas edificacións que se atopen en situación de risco ou deterioro ao tempo que elaborará un paquete de medidas para que poidan ser recuperadas polos seus propietarios.
Elena Candia incentivará aos propietarios de vivendas abandonadas para avanzar na súa rehabilitación e mellorar a seguridade cidadá.
A alcaldesa traballará na posta en valor das axudas á rehabilitación, polo que tramita un novo convenio que favorecerá novas actuacións.

NOTA DE PRENSA
Mondoñedo, 18 de agosto de 2015- A alcaldesa de Mondoñedo, Elena Candia, avanza que o Goberno que preside prevé articular incentivos para os propietarios de vivendas abandonadas como paso previo para avanzar na súa rehabilitación, así como para garantir e mellorar a seguridade cidadá.

A rexedora prevé por en marcha un censo de vivendas abandonadas ou que se atopen en estado ruinoso e elaborar un paquete de medidas para que as edificacións poidan ser rehabilitadas polos seus propietarios. “”Consideramos imprescindible traballar a prol da seguridade dos inmobles e o certo é que cando chegamos ao Goberno atopamos numerosas vivendas en situación absolutamente ruinosa, o que pode provocar inseguridade para os veciños e veciñas e danos ás casas próximas”, explica.

A alcaldesa precisa que “o dereito á propiedade privada debe ser compatible con non xerar danos e prexuízos nin ás persoas que circulen polas beirarrúas nin ás vivendas anexas.

O Goberno local ten previsto elaborar, de xeito inmediato, un censo que inclúa as vivendas abandonadas na zona urbana e tamén no rural. Ao mesmo tempo, o executivo que preside Elena Candia aprobará un paquete específico de medidas que garantan a seguridade xurídica precisa para darlle unha resposta máis áxil ás demandas dos cidadáns.

Estas propostas veranse complementadas cunha serie de incentivos destinados aos propietarios para que poidan acometer as obras, restablecer a seguridade e contribuír á mellora da imaxe da localidade no seu conxunto.

Impulso á zona ARI
A rexedora traslada ademais a súa aposta polas axudas á rehabilitación a través da zona ARI, declarada en 1998. O Goberno local de Mondoñedo tramita xa un novo convenio que permitirá a adhesión de novas vivendas, en concreto 22.
We use cookies

Usamos cookies en nuestro sitio web. Algunas de ellas son esenciales para el funcionamiento del sitio, mientras que otras nos ayudan a mejorar el sitio web y también la experiencia del usuario (cookies de rastreo). Puedes decidir por ti mismo si quieres permitir el uso de las cookies. Ten en cuenta que si las rechazas, puede que no puedas usar todas las funcionalidades del sitio web.