Cal Pardo
O Concello de Mondoñedo lamenta o falecemento do sacerdote e historiador D. Enrique Cal Pardo, fillo adoptivo da localidade e trasládalle as condolencias á súa familia e amigos.
A alcaldesa, Elena Candia, quere trasladar en nome de toda a Corporación municipal as “máis sentidas condolencias” polo falecemento dunha persoa que se converteu na “voz da historia de Mondoñedo” ao que agradecen o seu “importante traballo cultural e literario e a súa encomiable achega sobre a nosa Catedral”.  

Ademais de sacerdote e investigador, cunha  intensa traxectoria intelectual, sacerdotal e persoal, “á que tanto lle debemos os mindonienses”, a rexedora tamén quixo subliñar o carácter amable e voluntarioso dunha persoa profundamente comprometida coa localidade, “cidade á que dedicou a súa vida, axudándonos a coñecer mellor a nosa terra” e do que hoxe “nos sentimos profundamente orgullosos”.

O seu perfil deixa de manifesto a súa vinculación con Mondoñedo, o que levou á Corporación local a aprobar o seu nomeamento como Fillo Adoptivo da localidade, en recoñecemento ao seu coñecemento da historia e a súa inmensa labor no arquivo Catedralicio.
Don Enrique Cal Pardo foi profesor de Teoloxía no Seminario Maior de Mondoñedo (Lugo) entre os anos 1946-1967. Profesor de Teoloxía no Instituto Teolóxico Compostelá (Santiago) entre os anos 1970 e 1992. Formador do Seminario de Mondoñedo (1946-1954). Reitor do Seminario de Mondoñedo (1956-1958). Canónigo Archiveiro da Catedral de Mondoñedo desde 1953. Deán da Catedral de Mondoñedo desde 1979. Pro-Canciller do bispado de Mondoñedo entre os anos 1958-1966. Director Diocesano do Apostolado da Oración (1958-1967).


We use cookies

Usamos cookies en nuestro sitio web. Algunas de ellas son esenciales para el funcionamiento del sitio, mientras que otras nos ayudan a mejorar el sitio web y también la experiencia del usuario (cookies de rastreo). Puedes decidir por ti mismo si quieres permitir el uso de las cookies. Ten en cuenta que si las rechazas, puede que no puedas usar todas las funcionalidades del sitio web.