Xuventude
O Concello de Mondoñedo presenta o programa da segunda edición da Festa da Xuventude que se celebrará o 9 de setembro.
O concelleiro de Educación, Mocidade e Novas Tecnoloxías, Alberto García Fernández, presentou hoxe o cartel da festa que contará cos concertos de tres bandas de distintos estilos musicais e a actuación de varios Djs.
García precisou que “no cartel deste ano, deseñado pola mindoniense Julieta Vargas, primamos a promoción dos artistas  nosa cidade”.
Con esta celebración darán comezo as festas patronais de Nosa Señora dos Remedios, que se prolongarán ata o luns 12 de setembro.
 
NOTA DE PRENSA
A Concellería de Xuventude do Concello de Mondoñedo organiza a segunda edición da Festa da Xuventude que terá lugar o venres 9 de setembro, a partir das 18 horas e ata entrada a madrugada, na praza do Concello. 

O concelleiro de Educación, Mocidade e Novas Tecnoloxías, Alberto García Fernández, presentou hoxe o cartel da festividade, deseñado pola mindoniense Julieta Vargas.

García avanzou que “esta edición contará cos concertos de tres bandas de distintos estilos musicais e a actuacións de varios Djs de música electrónica”. O concelleiro precisou tamén que “coa festa da Xuventude se dan por iniciadas as festas patronais de Nosa Señora dos Remedios, que se prolongarán ata o luns 12 de setembro, festivo local, e animou a todos os mozos e mozas a participar desta festa que o ano pasado contou cunha gran acollida e ampla participación”.
“No programa deste ano primamos a promoción dos artistas da nosa cidade” e engadiu que “os compoñentes dalgúns dos grupos teñen raíces mindonienses, así como varios dos Djs que deleitarán aos público”, salientou. 
O concelleiro avanzou tamén que “está previsto que se instale unha carpa de Xuventude para información xuvenil e outra de prevención do VIH para darlles información aos mozos e mozas”.
Un programa con artistas locais
O concelleiro apuntou que os asistentes poderán desfrutar coa actuación do grupo ‘Versoix’. “Esta banda madrileña inicia a súa andaina polo ano 2011. O seu estilo musical é o rock, tanto urbano como hard rock. Saca ao mercado o seu primeiro ‘El dilema del Erizo’ no verán do 2015 e a comezos do 2016 é cando se consolida finalmente e comeza unha xira repleta de concertos”, precisou.
García sinalou que “tamén poderemos vibrar coas cancións de Miquel Barreira, membro da banda ‘Pull My Strings’, que actuará baixo o nome ‘Eira’ e acompañado por dous membros do seu grupo de Cataluña. Este artista ten orixe mindoniense e o seu instrumento principal é a guitarra acústica. O seu primeiro sinxelo foi ‘Mondoñedo’ na honra á súa cidade natal.
E por último, os mozos e mozas desfrutarán coa actuación de Hugo Eiroa, cantante e guitarrista con raíces en Mondoñedo que tras varios anos formando parte de diversas bandas iniciou este ano a súa andaina en solitario versionando pezas clásicas do pop rock.
A xornada tamén estará amenizada polo concerto de Dj Victor Santana & Band, un dos artistas máis importantes da cultura electrónica underground que integra esta banda a base de instrumentos clásicos  para darlle forma a un novo modo de entender o Techno. E actuarán tamén cinco Dj’s Locais: Alberto Leivas, Deep López, Vitor P, Popy García, Vitinho e Totix.  
Dende o goberno local do Concello de Mondoñedo agradecen a colaboración para a celebración da segunda edición desta festividade do Xacobeo e da emisora Megastar FM, así como o apoio dos bares da praza do Concello. 

O concelleiro de Educación, Mocidade e Novas Tecnoloxías amosouse moi satisfeito coa organización desta nova edición e sinalou que “esperamos que teña a mesma acollida multitudinaria que a do pasado ano”.

Xuventude




We use cookies

Usamos cookies en nuestro sitio web. Algunas de ellas son esenciales para el funcionamiento del sitio, mientras que otras nos ayudan a mejorar el sitio web y también la experiencia del usuario (cookies de rastreo). Puedes decidir por ti mismo si quieres permitir el uso de las cookies. Ten en cuenta que si las rechazas, puede que no puedas usar todas las funcionalidades del sitio web.