Feira das CarmiñasUn grupo de comerciantes de Mondoñedo organiza a Feira das Carmiñas, cun amplo programa que se estenderá na Praza da Catedral dende ás 10:30 horas ata ben entrada a noite, coa celebración dunha Queimada.
Mondoñedo revive os seus mercados tradicionais.
A lembranza destas feiras ten unha finalidade reivindicativa ao permitir unha comparativa entre os concorridos mercados de antano e o importante número de negocios existentes daquela coa realidade actual do peche de establecementos.

NOTA DE PRENSA
Un grupo de comerciantes de Mondoñedo presentaron esta mañá na Praza da Catedral o programa da Feira das Carmiñas, que se celebrará este domingo, 24 de agosto, na localidade.
Esta iniciativa permitirá que o municipio recree os mercados de antano “que merecían a pena ver e aos que acudían os nosos avós mentres aproveitaban para percorrer os negocios, que tantos había: o comercio de Cabanas, a carnicería de Chaparrita, Don Gato, o Taller de Miñaxoa, o café Madrid…”.
Así o puxo de manifesto unha das responsables da organización desta xornada, Rosa Díaz, quen explicou o programa que se estenderá dende ás 10:30 horas ata ben entrada a noite, na Praza da Catedral, onde se albergarán postos de comerciantes de Mondoñedo e de produtos artesanais; ademais de revivir oficios tradicionais.
Programa
A Feira das Carmiñas arrincará o domingo ás 10:30 horas coa celebración de xogos populares para nenos; que poderán entreterse tal e como o facían os seus avós ata as 11:30 horas.
De 11:30 a 12:30 horas, a Escola de Música de Mondoñedo porá son neste enclave, e a partir das 12:30 horas actuarán dous magos infantís. Xa pola tarde, o grupo teatral Xoldra de Mondoñedo interpretará unha escena de mercados revoltos. A xornada rematará coa actuación ás 19:30 horas das Pandereiteiras de Lourenzá e baile rexional. Como en calquera encontro de antano que se prezara, non faltará a degustación da tradicional queimada.

Feira das Carmiñas


O Mondoñedo de antes e o de agora.
A Feira das Carmiñas débelle o seu nome a muller prototipo da aldea “cariñosa, entrañable e sempre voluntaria que baixaba cos súas irmáns ver os mercados de Mondoñedo, e que hoxe as invade a tristura ao ver todo pechado e ao pensar no futuro dos seus netos”.
A través dun conto, a organización do evento quixo manifestar a finalidade reivindicativa que ten esta xornada; ao permitir unha comparativa entre os concorridos mercados de antano e o importante número de negocios existentes daquela coa realidade actual protagonizada por un importante peche de establecementos.
“Seguro que todos temos unha avoa, unha nai, unha tía…á que lle gustaría volver a ver ao Mondoñedo de entón, por iso pedimos que asistades”.
We use cookies

Usamos cookies en nuestro sitio web. Algunas de ellas son esenciales para el funcionamiento del sitio, mientras que otras nos ayudan a mejorar el sitio web y también la experiencia del usuario (cookies de rastreo). Puedes decidir por ti mismo si quieres permitir el uso de las cookies. Ten en cuenta que si las rechazas, puede que no puedas usar todas las funcionalidades del sitio web.