Mondoñedo promocionou as feiras e festas de As San Lucas en Asturias e Santiago. O presidente da asociación organizadora das San Lucas xunto con outros membros presentou esta fin de semana as feiras no Mercado de Abastos de Santiago e no mesón Terras Galegas de Gijón.
Souto resaltou a historia da que é a feira máis antiga de Galicia e reincidiu na necesidade de continuar a traballar para achegar este encontro fóra da provincia.
NOTA DE PRENSA
Membros da asociación organizadora da Feira das San Lucas presentaron esta fin de semana tanto en Asturias como en Santiago o programa destas festas, que darán comezo o próximo xoves 16 de outubro e finalizarán o luns día 20.
O presidente da asociación, Miguel Souto, lembrou que o venres “demos a coñecer as actividades previstas para este ano no mesón Terras Galegas de Gijón nun acto no que participaron representantes de diferentes entidades gastronómicas de Asturias”.
Souto resaltou a importancia de traballar na dirección de potenciar o turismo de proximidade a través deste tipo de festas, e máis tendo en conta que “son moitos os asturianos que ano tras ano visitan a localidade durante a celebración das San Lucas”.
A maiores, a presentación en Santiago de Compostela tivo lugar o sábado no Mercado de Abastos da capital de Galicia, un lugar ao que Souto cualificou de “emblemático e moi vinculado coas San Lucas, xa que estas feiras nacen con esta finalidade, coa de mercadear, trocar, vender..; e que co tempo se converteron en cultura e tradición”.
Durante este encontro, o presidente da asociación resaltou a historia da que é a feira máis antiga de Galicia, e unha das que conta con maior tradición en Europa e que se leva celebrando dende o ano 1156.
“Esta tradición segue a pervivir no século XXI e é necesario continuar a traballar para achegar este encontro fóra da provincia e que día a día As San Lucas continúen a ser un referente e unha feira con maiúsculas”.
Membros da asociación organizadora da Feira das San Lucas presentaron esta fin de semana tanto en Asturias como en Santiago o programa destas festas, que darán comezo o próximo xoves 16 de outubro e finalizarán o luns día 20.
O presidente da asociación, Miguel Souto, lembrou que o venres “demos a coñecer as actividades previstas para este ano no mesón Terras Galegas de Gijón nun acto no que participaron representantes de diferentes entidades gastronómicas de Asturias”.
Souto resaltou a importancia de traballar na dirección de potenciar o turismo de proximidade a través deste tipo de festas, e máis tendo en conta que “son moitos os asturianos que ano tras ano visitan a localidade durante a celebración das San Lucas”.
A maiores, a presentación en Santiago de Compostela tivo lugar o sábado no Mercado de Abastos da capital de Galicia, un lugar ao que Souto cualificou de “emblemático e moi vinculado coas San Lucas, xa que estas feiras nacen con esta finalidade, coa de mercadear, trocar, vender..; e que co tempo se converteron en cultura e tradición”.
Durante este encontro, o presidente da asociación resaltou a historia da que é a feira máis antiga de Galicia, e unha das que conta con maior tradición en Europa e que se leva celebrando dende o ano 1156.
“Esta tradición segue a pervivir no século XXI e é necesario continuar a traballar para achegar este encontro fóra da provincia e que día a día As San Lucas continúen a ser un referente e unha feira con maiúsculas”.
