A pesar de seres susceptible de todo tipo de críticas, con maior ou menor atino e xustificación, o certo é que esa rede social chamada Facebook semella ser unha estupenda ferramenta de expresión cidadá. Ademais, por suposto, de permitir mantelo vínculo co noso querido Mondoñedo a todos aqueles que por diversos motivos atopámonos fóra da nosa cidade. Así pois, un lugar onde paisanos manteñen conversas adoptando múltiples puntos de vista, un recuncho para o encontro (virtual) de toda unha comunidade e, igualmente importante, un "quiosco" sempre aberto  no cal se impregnar da máis absoluta actualidade (sempre cun marcado tinte "vox populi"), non debera nunca comportar un carácter lesivo ou pernicioso.

De tal xeito, meus veciños, a consigna nunca estivo máis clara. Sigamos convivindo, expresándonos, confraternizado e, por qué non, tamén discutindo; que con causa e motivo, por veces chega a ser moi san. Apelando sempre ás máximas de respeto e liberdade expresiva, todos e cada un de nós ten cabida nesta rede que "atrapa" de xeito tan ledo.

O mundo avanza. Facebook e a comunidade de internautas que xornada a xornada arrastra tras de sí, resulta sela maior das evidencias. Avancemos nós tamén ó seu carón. O progreso debe chegar, mais nunca esquezamos de onde vimos, as nosas raíces. Mondoñedo non pode quedar atrás vítima do atraso e o abandono. É por eso que, todos e cada un dos que nos consideramos mindonienses temos de maneira intrínseca un compromiso para coa nosa fermosa cidade. Poñamos pois en marcha tódalas ferramentas á nosa disposición para materializar dita consigna. Facebook é unha delas. Empreguémola con intelixencia; por nós, por Mondoñedo.

Santo e sinal. Mondoñedo, saúde e terra.


  Alejandro Hermida Artiaga

 

NOTA: LAS OPINIONES VERTIDAS EN ESTE ESPACIO SON DE EXCLUSIVA RESPONSABILIDAD DE SUS AUTORES Y NO REPRESENTAN NECESARIAMENTE LA OPINIÓN DEL EDITOR. Para publicar un artículo firmado en esta sección escribir a: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.      
 

We use cookies

Usamos cookies en nuestro sitio web. Algunas de ellas son esenciales para el funcionamiento del sitio, mientras que otras nos ayudan a mejorar el sitio web y también la experiencia del usuario (cookies de rastreo). Puedes decidir por ti mismo si quieres permitir el uso de las cookies. Ten en cuenta que si las rechazas, puede que no puedas usar todas las funcionalidades del sitio web.