La exposición de fotografías "A Historia do Fútbol en Mondoñedo" estará abierta al público el próximo fin de semana y los días 5 y 6 (Día de Reyes).
Como novedad, este domingo día 30 a las 17:00h se proyectará en la Casa da Cultura un partido del equipo. El encuentro se celebró en el campo de Viñas da Veiga el 1 de mayo de 1991 y enfrentaba al Mindoniense con el Xove-Lago, era la penúltima jornada de liga Regional Preferente y los dos equipos se jugaban la posibilidad de ascender a Tercera División.
Además, en la exposición hay quince nuevas fotos que fueron cedidas por los visitantes.

NOTA DE PRENSA

A Asociación Cultural O Pasatempo de Mondoñedo prepara curtametraxes e fotografías para rematar o ano. Esta fin de semana, sábado e domingo haberá proxeccións na Casa da Cultura e o Auditorio Municipal e poderase visitar de novo a exposición sobre a historia do fútbol mindoniense en imaxes.

Por unha banda, terá lugar a segunda sesión da “I Xornada de Curtametraxes O Pasatempo” que se desenvolverá o domingo 30 de decembro no Salón de Actos da Casa da Cultura de Mondoñedo a partir das 8 da tarde, con entrada de balde. Nesta xornada proxectaranse cinco curtametraxes de entre 5 e 20 minutos sobre diferentes temáticas, documentais e ficción: “Lugnasad. Unha noite máxica”, que fala da festa celta que cada ano se celebra en Bretoña (A Pastoriza); “Pantin Classic” mostra impresionantes imaxes dos surfeiros que cabalgan as olas da costa ferrolá; “Houston”, na que amizade, amor e  enfermidade, son os ingredientes necesarios da historia; “Sin Plomo”, fala de cinco personaxes que se ven envoltos nunha situación extrema tras o atraco a unha e finalmente “X nada”, o macabro xogo dun grupo de rapaces.

Dentro desta “I Xornada de Curtametraxes O Pasatempo” o sábado 29 de decembro producirase a gran estrea en Mondoñedo da curtametraxe “Mr Smith & Mrs Wesson”, dirixida por Alejandro Saavedra. A historia está protagonizada polos actores Octavi Pujades e Camila Bossa e conta ademais coa aparición doutras caras moi coñecidas do mundo audiovisual galego como Luis Iglesia ou María Mera. Acción e intriga garantizadas neste filme se poderá ver por primeira vez na comarca no Audiotorio de Mondoñedo ás 20:30, esta previsto que á estrea acuda algún dos actores. As entradas terán un prezo de 2 euros e poderán adquirirse ese mesmo día no auditorio ou anticipadamente nos bares ‘O Porriño’ e ‘O Rincón’ de Mondoñedo.

Por outra banda, O Pasatempo continúa botando a vista atrás no tempo para recoller a historia do fútbol en Mondoñedo a través de imaxes. A exposición “A Historia do Fútbol en Mondoñedo” poderase visitar na Casa da Cultura durante os días 29, 30 e 31 en horario de 11 a 13 horas pola mañá e de 16 a 19 horas pola tarde. Tamén se poderá visitar a vindeira fin de semana, 5 e 6 de xaneiro no mesmo horario. Como novidade, este domingo día 30 proxectarase ás 5 da tarde no mesmo local da exposición, na Casa da Cultura, un encontro celebrado no campo das Viñas da Veiga (Mondoñedo) o 1 de maio de 1991 que enfrontaba á Mindoniense co Xove-Lago. Tratábase da penúltima xornada de liga da Rexional Preferente e os dous equipos mariñanos xogábanse manter a posibilidade de ascenso á Terceira División.
Ademais, na exposición hai quince novas fotografías que ó longo desta semana foron cedidas polos visitantes dos seus arquivos privados e que xa se engadiron á mostra polo que máis dun cento de imaxes retratan a paixón polo fútbol na cidade mindoniense, dende os anos vinte ata a actualidade. No primeiro momento recórdanse as formacións esporádicas dun equipo que participaba en festas e torneos e que chegou a converterse no clube de fútbol estable da actualidade, con categorías inferiores e participación na liga regular. Esta exposición pódese ver tamén de balde e permite facer un recorrido histórico por rostros coñecidos e recordos compartidos por todos, non só en Mondoñedo, senón no resto da Mariña.

Convidámolos a todos a achegarse e compartir co Pasatempo as derradeiras actividades organizadas para despedir esta ano 2012.