28112014.jpgLucía Pérez ofrece este domingo un concerto dirixido a recadar fondos para a viaxe fin de curso dos alumnos do CEIP de Mondoñedo.
O concerto acústico está organizado pola Asociación As San Lucas de Mondoñedo e a Asociación de Nais e Pais de Alumnos do colexio público Álvaro Cunqueiro Mora.
A actuación da artista do Incio terá lugar ás 19:00 horas no auditorio municipal Pascual Veiga da localidade e a venda das entradas será en taquilla por un prezo de 5 euros.

NOTA DE PRENSA
Mondoñedo 28 novembro 2014: A artista Lucía Pérez ofrecerá este domingo, 30 de novembro, un concerto en Mondoñedo cuxa finalidade é a de recadar fondos para que os alumnos do CEIP Álvaro Cunqueiro Mora da localidade podan organizar a súa viaxe de fin de curso.

Este concerto acústico da cantante do Incio terá lugar no auditorio Pascual Veiga de Mondoñedo e dará comezo ás 19:00 horas; onde os asistentes poderán coñecer as cancións do seu novo disco, Quitapenas. O prezo da entrada é de 5 euros e poderanse adquirir en taquilla.

Esta iniciativa dirixida a recadar diñeiro para a viaxe de fin de curso está a ser organizada pola Asociación As San Lucas de Mondoñedo e pola Asociación de Nais e Pais de Alumnos (ANPA) do CEIP Álvaro Cunqueiro Mora.

A organización invita a participar deste concerto co obxecto de que se logre acadar con creces a finalidade desta proposta, que, unha vez máis, evidencia a colaboración social da Asociación As San Lucas coas demandas das organizacións e dos veciños de Mondoñedo.