CregoOs fregueses das parroquias de Santa María Maior, Santo Adrao, San Xurxo e San Tomé homenaxean ao crego D. Antonio Rodríguez Lodos.
D. Antonio Rodríguez Lodos, nado en xullo do 1935 en Santa Marta de Meilán, sentiu vocación dende pequeno. Estudou no Seminario de Santa Catalina de Mondoñedo e, con 23 anos de idade, o 14 de marzo do 1959 foi ordenado crego. Seguidamente pasou por varios destinos, dous anos no Ferrol, outros dous en Madrid onde se licenciou en Dereito Canónico na Universidade Pontificia de Comillas, dous máis no Seminario de Mondoñedo e no ano 1965 chegou ás parroquias de San Xurxo, San Tomé e Santo Adrao (Lourenzá) e Santa María Maior (Mondoñedo) onde desenvolveu a súa labor pastoral ata a actualidade.
Ao longo destes 50 anos Don Antonio, nome por o que os seus fregueses o coñecen, foi gañando o cariño e afecto da veciñanza das parroquias, tanto por a súa personalidade próxima e amábel, como por o seu saber estar en cada oficio. Por esta razón, a veciñanza destas catro parroquias decidiu organizarse para renderlle esta tan merecida homenaxe.
O acto, que terá lugar o domingo 1 de marzo ás 13:30 h., comezará cunha misa na igrexa de San Tomé á que lle seguirá un xantar de confraternidade, ao que asistirán veciños e veciñas das súas parroquias.


11022015a.jpg
We use cookies

Usamos cookies en nuestro sitio web. Algunas de ellas son esenciales para el funcionamiento del sitio, mientras que otras nos ayudan a mejorar el sitio web y también la experiencia del usuario (cookies de rastreo). Puedes decidir por ti mismo si quieres permitir el uso de las cookies. Ten en cuenta que si las rechazas, puede que no puedas usar todas las funcionalidades del sitio web.