Xornadas
O Goberno local programa para os días 11, 12 e 13 de decembro as XV Xornadas Mindonienses de Arqueoloxía Villaamil y Castro.
A matrícula, de carácter gratuíto, poderá formalizarse ata o venres día 11 de decembro.
Para a súa organización o Goberno local conta coa colaboración da Vicepresidencia Primeira, Área de Cultura da Deputación Provincial de Lugo.
 
 
NOTA DE PRENSA
O Goberno local do Concello de Mondoñedo programa para os días 11, 12 e 13 de decembro as XV Xornadas Mindonienses de Arqueoloxía Villaamil y Castro. Para a súa organización o Goberno local conta coa colaboración da Vicepresidencia Primeira, Área de Cultura da Deputación Provincial de Lugo.
Programa
As xornadas darán comezo o día 11 de decembro ás 19:30 horas coa recollida de documentación no salón de actos da Casa da Xuventude. De seguido terá lugar o acto de inauguración e ás 20:00 horas o arqueólogo e antropólogo Francisco Calo Lourido pronunciará o relatorio A verba celta é tan polisémica que perdeu o seu significado.
O sábado ás 18:30 horas o relatorio correrá a cargo de Fermín Pérez Losada, da Universidade de Vigo, e levará por título: Arqueoloxía dos asentamentos rurais na Galicia romana: villae e casais.
O domingo día 13 ás 09:00 farase a saída de Mondoñedo para visitar o xacemento romano de Cambre, en A Coruña. Amais do xacemento, tamén se verá a igrexa de Santa María de Cambre, do século XII. Os participantes estarán acompañados polo director do xacemento romano, Ramón Boga Moscoso.
Matrícula
A matrícula do curso é de balde e pódese tramitar por correo ordinario -no enderezo Praza do Concello, s/n, 27740 Mondoñedo, Lugo- por fax, no número 982507421, ou a través do teléfono 982524003. Tamén se pode facer a través do correo Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo..
A matrícula por correo electrónico pechará o día 11 ás 00:00 horas e ás 14:00 horas por correo ordinario.
A alcaldesa, a popular Elena Candia, subliña a importancia dunhas xornadas que este ano celebran a súa edición número XV. “A súa continuidade vén a demostrar a nosa aposta decidida pola cultura, clave para o desenvolvemento do noso municipio”, remarca.
 
Cartel 
We use cookies

Usamos cookies en nuestro sitio web. Algunas de ellas son esenciales para el funcionamiento del sitio, mientras que otras nos ayudan a mejorar el sitio web y también la experiencia del usuario (cookies de rastreo). Puedes decidir por ti mismo si quieres permitir el uso de las cookies. Ten en cuenta que si las rechazas, puede que no puedas usar todas las funcionalidades del sitio web.