Te ofrecemos íntregramente el discurso de investidura pronunciado por el nuevo Alcalde de Mondoñedo, Orlando González Cruz.
Para ver el discurso entra en leer más.
Para ver el discurso entra en leer más.
DISCURSO DE INVESTIDURA
Bos días veciños e veciñas, quero comezar este pequeno discurso agradecendo a vosa presenza hoxe aquí, neste acto de toma de posesión.
Tamén quero agradecer a confianza depositada en min ós concelleiros que me votaron, e os que votaron outra opción. porque todas as opcións son válidas e democráticas, e este acto é un exercicio de democracia.
Aproveito para recordarlle ós/as concelleiros/as que fomos electos que o traballo nos que espera vai ser abondo e intenso, pero desexo que o noso esforzo sirva para facer de Mondoñedo un sitio agradable e acolledor para nós e os que nos veñan a visitar.
Quero dicirlle ó público aquí presente que o BNG e o PSOE chegamos a un acordo para facer un goberno transparente e estable en Mondoñedo. acordo este sustentado nun programa común, baseado nos programas de ambas forzas políticas e un organigrama de goberno divido en áreas.
Seremos un goberno aberto os cidadáns, gobernaremos para todas e todos, fose cal fose a opción política que votaron. á hora de gobernar e facer cousas, non miraremos o color político, todos somos cidadáns de Mondoñedo, e isto é o único que nos importa.
Non nos esquecermos nin das parroquias nin do casco.
As parroquias iremos periodicamente a reunirnos cos veciños para recoller as súas opinións, sobre necesidades e prioridades.
Teremos un diálogo, espero, que fluído cos outros grupos políticos. dialogaremos cos distintos colectivos e asociacións de este concello para saber as súas inquedanzas e proxectos, e tratar de levalos adiante en conxunto.
Reunirémonos cos traballadores para invitalos a subirse ó mesmo barco e remar todos xuntos.
Seremos esixentes, como seremos con nós mesmos, pero dialogastes e tolerantes.
Trataremos de cumprir co noso programa de goberno. sabemos que catro anos son poucos para levar a cabo todo o que nos propuxemos, pero trataremos de facelo posible.
Aproveito para convidarvos a asistir ás celebracións dos plenos para que vos enteiredes directamente de cómo funciona este concello, e coñecer de 1ª man as cousas que se fan, xa sexan ben ou mal feitas, sen esperar que volo conten. isto tamén é un exercicio de democracia.
A min persoalmente gustaríame que o salón durante os plenos tivera esta concorrencia.
E con respecto a isto quero dicirvos que esta enorme concorrencia demostra as expectativas e ilusións que a poboación ten depositada en nós.
E isto é un motivo máis para tratar de facelo o mellor posible, intentarémolo e esperamos non defraudarvos.
Faremos un goberno con pensamento galeguista e sentir mindoniense.
Pra rematar debo confesar que me enche de orgullo e honra ser o alcalde de Mondoñedo, pero quero deixarvos presente que seguirei sendo orlando, o médico, fillo de laura e orlando, o ferreiro de san lázaro, é dicir un mindoniense máis.
Nada máis, moitas grazas e a traballar.