O proxecto inclúe a construción dunha nave para a fabricación de pezas destinadas a maquinaria forestal, xunto a un taller anexo de reparación de vehículos.
NOTA DE PRENSA
O Goberno de Elena Candia concede a primeira licenza definitiva de obra no polígono industrial de Mondoñedo
A alcaldesa avanza a pretensión de modificar a Ordenanza de aplicación para facilitar o asentamento de novas actividades no polígono, ademais de continuar coas xestións para o abaratamento do solo
Mondoñedo, 13 de xaneiro de 2016.- A alcaldesa de Mondoñedo, a popular Elena Candia, informou hoxe de que o Concello vén de conceder a primeira licenza municipal definitiva para a execución de obras no polígono empresarial que permitirán o desenvolvemento dun novo proxecto industrial na localidade. 
En concreto, Candia explicou que a licenza definitiva que vén de concederse ten por obxecto a construción dunha nave industrial  na parcela S-15. As actividades que se suscitan para este proxecto, ademais da edificación de dita nave, é a industrial de fabricación de latiguillos hidráulicos, destinados á maquinaria forestal, mediante un sistema de mecanizado, ademais dun taller anexo para a reparación de vehículos de automóbil. As dúas actividades encaixan dentro das autorizables como usos principais e compatibles.
A alcaldesa fixo fincapé na necesidade de poñer en valor o polígono industrial e incentivar o asentamento empresarial na localidade, polo que agarda, que a iniciativa descrita marque o inicio da localización de novos proxectos no municipio.
Ademais, o Goberno local está a realizar xestións para o abaratamento do solo industrial e a alcaldesa avanza a pretensión de modificar a Ordenanza de aplicación para facilitar o asentamento de novas empresas.

We use cookies

Usamos cookies en nuestro sitio web. Algunas de ellas son esenciales para el funcionamiento del sitio, mientras que otras nos ayudan a mejorar el sitio web y también la experiencia del usuario (cookies de rastreo). Puedes decidir por ti mismo si quieres permitir el uso de las cookies. Ten en cuenta que si las rechazas, puede que no puedas usar todas las funcionalidades del sitio web.